ఆంధ్రప్రదేశ్‌లో 560 ప్రభుత్వ ఉద్యోగాలకు నోటిఫికేషన్‌ విడుదల జోన్ల వారీగా ఖాళీల వివరాలు.. ఎంపిక విధానం ఇదే

 ప్రధానాంశాలు:

ఏపీ ఎక్స్‌టెన్షన్‌ ఆఫీసర్‌ రిక్రూట్‌మెంట్‌ 2022

560 పోస్టుల భర్తీకి నోటిఫికేషన్‌ విడుదల

సెప్టెంబర్‌ 12 దరఖాస్తులకు చివరితేది

ఆంధ్రప్రదేశ్‌లో 560 ఎక్స్‌టెన్షన్‌ ఆఫీసర్‌ (గ్రేడ్‌ -2) పోస్టుల భర్తీకి నోటిఫికేషన్‌ విడుదలైంది. ఈ పోస్టులను అంగన్‌వాడీ కేంద్రాల్లో పనిచేసే అర్హులైన కాంట్రాక్ట్‌ వర్కర్లు, సూపర్‌వైజర్లతో భర్తీ చేయనున్నారు. అర్హత, ఆసక్తిగల వారు సెప్టెంబర్‌ 12వ తేదీలోగా దరఖాస్తు కోవాలి. అనంతరం సెప్టెంబర్‌ 15 నుంచి 17 వరకు హాల్‌టికెట్లు జారీ చేయనున్నారు. అనంతరం సెప్టెంబర్‌ 18 న పరీక్ష నిర్వహించనున్నారు. రాష్ట్రంలోని 4 జోన్ల పరిధిలో కేటాయించే కేంద్రాల్లో అభ్యర్థులు పరీక్ష రాయాల్సి ఉంటుంది. ఇందుకు సంబంధించిన ఏర్పాట్లను కలెక్టర్‌ చైర్మన్‌గా ఉండే కమిటీ పర్యవేక్షిస్తుంది. పూర్తి వివరాలను https://wdcw.ap.gov.in/ వెబ్‌సైట్‌లో చూడొచ్చు.

జోన్ల వారీగా ఖాళీల వివరాలు:

విశాఖ జోన్‌ - 76

ఒంగోలు జోన్‌ - 126

ఏలూరు జోన్‌ - 142

కర్నూలు జోన్‌ - 216