కష్టకాలంలో TCS గుడ్‌న్యూస్.. ఎగిరి గంతేస్తున్న IT ఉద్యోగులు.. ఏప్రిల్ 1 నుంచే అమల్లోకి!
TCS: ఐటీ దిగ్గజం టాటా కన్సల్టెన్సీ సర్వీసెస్ (టీసీఎస్) తన ఉద్యోగులకు తీపికబురు అందించింది. ఇతర ఐటీ కంపెనీలకు భిన్నంగా.. కష్టకాలంలోనూ కీలక ప్రకటన చేయడం గమనార్హం. దీంతో ఈ సంస్థలోని చాలా వరకు ఉద్యోగులకు ప్రయోజనం దక్కనుంది. టీసీఎస్‌లో మొత్తంగా 6 లక్షలకుపైగా ఉద్యోగులు ఉన్నారు.
తమ సంస్థలో అత్యుత్తమ ప్రతిభ కనబర్చిన ఉద్యోగులకు 12 నుంచి 15 శాతం వరకు వేతనాలను పెంచనున్నట్లు స్పష్టం చేసింది టీసీఎస్. అదే విధంగా ఉద్యోగులకు ప్రమోషన్ల ప్రక్రియను కూడా ప్రారంభించినట్లు పేర్కొంది. ఇక వేతనాల పెంపు అనేది ఏప్రిల్ 1 నుంచే అమల్లోకి వచ్చినట్లు వెల్లడించింది.
"తాజా వార్షిక సమీక్షలో అత్యుత్తమ ప్రదర్శన చేసిన ఉద్యోగులకు 12-15 శాతం వేతనాలను పెంచేందుకు నిర్ణయించాం. అలాగే ప్రమోషన్ల సైకిల్‌ను కూడా ప్రారంభించాం". అని టీసీఎస్ హ్యూమన్ రీసోర్సెస్ ఆఫీసర్ మిలింద్ లక్కడ్ ఒక ప్రకటనలో తెలిపారు. ఈ వేతనాల పెంపు వల్ల 200 బేసిస్ పాయింట్ల మేర కంపెనీ మార్జిన్లపై ప్రభావం పడుతుందని.. అయినా తప్పట్లేదని చెప్పుకొచ్చారు.
ఇక ఉద్యోగుల పని విధానం గురించి కూడా లక్కడ్ కీలక వ్యాఖ్యలు చేశారు. ఉద్యోగులందరినీ తిరిగి ఆఫీసుల్లోకి తీసుకొచ్చే ప్రయత్నం చేస్తున్నామని.. కంపెనీ కూడా దీనిపైనే దృష్టి సారించిందని చెప్పారు. ఇక కంపెనీ మొత్తం ఉద్యోగుల్లో దాదాపు 53 శాతం మంది ప్రస్తుతం వారానికి 3 రోజుల చొప్పున ఆఫీసులకు వస్తు్న్నారని వెల్లడించారు. ఇక ఫ్రెషర్స్ ఆన్‌బోర్డింగ్‌లో కాస్త ఆలస్యం అవుతున్న విషయాన్ని అంగీకరించారు. అయినప్పటికీ ఈ త్రైమాసికంలో టీసీఎస్‌లో 523 మంది ఉద్యోగులు చేరారని చెప్పుకొచ్చారు.
ఇక టీసీఎస్ 2023-24 ఆర్థిక సంవత్సరం తొలి త్రైమాసిక ఫలితాల్లో అంచనాలను మించి రాణించింది. ఏకీకృత నికర లాభం 16.83 శాతం పెరిగి రూ.11,074 కోట్లుగా నమోదైంది. ఇక కార్యకలాపాల ఆదాయం చూస్తే 12 శాతానికిపైగా వృద్ధి చెంది రూ.59,381 కోట్లకు చేరుకుంది. ఇంకా ఇదే సమయంలో ఒక్కో షేరుకు రూ.9 మధ్యంతర డివిడెండ్ ప్రకటించింది.
Posts
No comments:
Post a Comment
Hello all, if you have any doubt feel free comment