IT Companies: దిగ్గజ ఐటీ కంపెనీలన్నీ ఒకే మాట.. ఉద్యోగులకు ఇక తప్పదు.. ఆ పని చేయాల్సిందే!

IT Companies: దిగ్గజ ఐటీ కంపెనీలన్నీ ఒకే మాట.. ఉద్యోగులకు ఇక తప్పదు.. ఆ పని చేయాల్సిందే!

IT Companies: దిగ్గజ ఐటీ కంపెనీలన్నీ ఒకే మాట.. ఉద్యోగులకు ఇక తప్పదు.. ఆ పని చేయాల్సిందే!

IT Companies: టీసీఎస్, విప్రో, హెచ్‌సీఎల్ టెక్నాలజీస్, ఇన్ఫోసిస్ వంటి దిగ్గజ కంపెనీలన్నీ ఒకే దారిలో నడుస్తున్నాయి. ఆయా సంస్థల్లో పని చేస్తున్న ఉద్యోగులకు ఇక తప్పదు. క్యూ 1 ఫలితాలను ప్రకటించిన తర్వాత ఉద్యోగులను తిరిగి ఆఫీస్ కు రప్పించే విషయంపై కంపెనీలు ప్రధానంగా దృష్టి సారించాయని పలు నివేదికలు చెబుతున్నాయి. పూర్తి వివరాలను మనమూ తెలుసుకునే ప్రయత్నం చేద్దాం రండీ..

IT Companies: దేశంలోని దిగ్గజ ఐటీ కంపెనీలై టీసీఎస్, విప్రో, ఇన్పోసిస్, హెచ్‌సీఎల్ ఒకే మాట మీద నడుస్తున్నాయి. దాదాపు అన్ని కంపెనీలు ఓకే మార్గం ఎంచుకుంటున్నాయి. ఉద్యోగులను తిరిగి ఆఫీస్‌కు పిలుస్తున్నాయి. ఇంటి నుంచే పని చేసే విధానాన్ని ఎత్తివేసి ఉద్యోగులందరూ కార్యాలయాలకు వచ్చి పని చేసేలా చర్యలు చేపడుతున్నాయి. ప్రధానంగా చూసుకుంటే ఇటీవలే 2023-24 ఆర్థిక ఏడాది క్యూ1 ఫలితాల అనంతరం ఆయా ఐటీ దిగ్గజ కంపెనీలు తమ ఉద్యోగులు పూర్తిగా అఫీస్‌కు పరిమితమయ్యేలా చేసేందుకు సిద్ధమవుతున్నాయని పలు నివేదికలు చెబుతున్నాయి.

ఈ విషయంపై టీసీఎస్ చీఫ్ హ్యూమన్ రిసోర్సెస్ ఆఫీసర్ మిలింద్ లక్కడ్ కీలక వ్యాఖ్యలు చేశారు. కంపెనీ ఈ ఏడాది క్యూ1 ఫలితాలను ప్రకటించాక ఉద్యోగులు ఆఫీస్ నుంచి పని చేసే విషయంపైనే ప్రధానంగా దృష్టి సారించినట్లు తెలిపారు. ప్రస్తుతం టీసీఎస్ ఉద్యోగుల్లో 50 శాతం మంది వారంలో మూడు రోజులకుపైగా ఆఫీస్‌కు వస్తున్నట్లు స్పష్టం చేశారు. ' ఐటీ ఇండస్ట్రీలో అభివృద్ధి, బెస్ట్ ట్యాలెంట్‌ను గుర్తించి ప్రోత్సాహకాలు అందిచడంపై ఎప్పటిలాగే దృష్టి సారించాం. ఉద్యోగులను కార్యాలయాలకు రప్పించి మరింత ప్రభావవంతమైన పని తీరు, తమ కల్చర్‌కు అనుగుణంగా అలవాటు పడేలా చేయాలని భావిస్తున్నాం. ఉద్యోగులను ఆఫీస్‌కు రప్పించే ప్రక్రియను వేగవంతం చేశాం. ఇప్పటికే 55 శాతానికి పైగా ఉద్యోగులు వారానికి 3 రోజులు ఆఫీస్‌కు వచ్చి పనిచేస్తున్నారు.' అని పేర్కొన్నారు టీసీఎస్ చీఫ్ హ్యూమర్ రీసోర్సెస్ అధికారి మిలింద లక్కడ్.

మరో ఐటీ దిగ్గజ సంస్థ హెచ్‌సీఎల్ టెక్నాలజీస్ కూడా తమ సిబ్బందిలో 70 నుంచి 75 శాతం ఉద్యోగులను తిరిగి ఆఫీసుకు రప్పించేలా చర్యలు చేపట్టినట్లు తెలిపింది. ఈ మేరకు ఆ కంపెనీ చీఫ్ ఎగ్జిక్యూటివ్ ఆఫీసర్ సీ విజయ్ కుమార్ వెల్లడించారు. ఇప్పటికే తమ కంపెనీలో 50 శాతం మంది ఉద్యోగులు వారానికి 3 రోజులు ఆఫీస్‌కు వస్తున్నట్లు తెలిపారు. మరోవైపు.. ప్రముఖ ఐటీ దిగ్గజ విప్రో కూడా ఇలాంటి ప్రకటనే చేసింది. ఆఫీస్‌కు వచ్చి పనిచేసే ఉద్యోగులను ఎంకరేజ్ చేస్తున్నట్లు తెలిపింది. ఆఫీస్‌లో ఉంటే పని తీరు మెరుగ్గా ఉంటుందని, కంపెనీ కల్చర్‌కు అలవాటు పడవచ్చని, విప్రో ఛైర్మన్ రిషద్ ప్రేమ్ జీ ఇప్పటికే నాస్కామ్ లీడర్ షిప్ సదస్సులో పేర్కొన్న విషయం తెలిసిందే. ఇలా దిగ్గజ కంపెనీలన్నీ ఒకే మార్గంలో నడుస్తూ ఉద్యోగులను ఆఫీసులకు రప్పించే చర్యలు వేగవంతం చేశాయి. రెండేళ్లకుపైగా ఇంటి నుంచి ఉద్యోగం చేసిన వారికి ఇది చేదు వార్తగానే చెప్పవచ్చు. కానీ, ఇకపై తప్పకపోవచ్చు. ఏ కంపెనీలోనైనా ఇదే రూల్ ఉండనుంది.