బ్రేకింగ్: హైదరాబాద్‌లో కాల్పుల కలకలం.. తృటిలో తప్పించుకున్న సిద్ధార్థ్

బ్రేకింగ్: హైదరాబాద్‌లో కాల్పుల కలకలం.. తృటిలో తప్పించుకున్న సిద్ధార్థ్

దిశ, వెబ్‌డెస్క్: 

రాష్ట్ర రాజధాని హైదరాబాద్‌లో కాల్పులు కలకలం రేపాయి. శనివారం నగర శివారులోని శామీర్ పేట్ సెలబ్రెటీ క్లబ్‌లో ఓ వ్యక్తి కాల్పులకు పాల్పడ్డాడు. సిద్ధార్థ్ దాస్ అనే యువకుడిపై మరో వ్యక్తి కాల్పులు జరిపాడు. కాగా, ఈ కాల్పుల నుండి తృటిలో తప్పించుకున్న సిద్ధార్ దాస్.. శామీర్ పేట్ పోలీస్ స్టేషన్‌లో ఫిర్యాదు చేశాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. కాల్పులు జరపడానికి గల కారణాలపై పోలీసులు ఆరా తీస్తున్నారు. ఇద్దరి మధ్య గతంలో ఏమైనా విభేదాలు ఉన్నాయా అన్నా కోణంలో పోలీసులు దర్యాప్తు చేపట్టారు. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.