Cognizant: ఐటీ దిగ్గజం కాగ్నిజెంట్ కీలక నిర్ణయం.. ఇదే కదా కావాల్సింది.. రవి కుమార్ సారథ్యంలోనే..!
Cognizant: ఐటీ దిగ్గజ సంస్థ కాగ్నిజెంట్ టెక్నాలజీ సర్వీసెస్ సంచలన నిర్ణయం తీసుకుంది. తన కార్యనిర్వాహక బృందంలో మహిళలకు పెద్ద పీట కల్పించింది. ఒకేసారి ఆరుగురు మహిళలకు కీలక పదవులు అప్పజెప్పింది. ఇందులో కొన్ని ఇంటర్నల్ ప్రమోషన్స్ ద్వారా కాగా మరికొందరు కొత్తగా ఇందులో చేరినవారు ఉన్నారు.
Women Senior Vice Presidents:
దేశీయ ఐటీ సంస్థలు ఇటీవలి కాలంలో ఒడుదొడుకులు ఎదుర్కొంటున్నాయి. ఖర్చుల్ని తగ్గించుకోవాలన్న భయంతోనే కొన్ని కంపెనీలు ఉద్యోగుల్ని పెద్ద సంఖ్యలో తీసేస్తున్న సంగతి తెలిసిందే. చాలా కంపెనీలు ప్రాజెక్టుల్ని కూడా కోల్పోతున్నాయి. ఇటీవల ఆదాయాల్లో హెచ్‌సీఎల్ టెక్నాలజీస్, విప్రో వంటి ఐటీ కంపెనీలు అంచనాలను అందుకోలేదు. అయితే వీటన్నింటినీ ప్రభావితం చేసింది కాగ్నిజెంట్. కొద్ది రోజుల కింద ఆదాయం, లాభం తగ్గుతుందని కాగ్నిజెంట్ చేసిన వ్యాఖ్యలు ఇందుకు కారణం. ఇది ఐటీ పరిశ్రమను సందిగ్ధంలోకి నెట్టేసింది. ఇక కాగ్నిజెంట్ సీఈఓగా రవి కుమార్ ఎస్ బాధ్యతలు స్వీకరించిన తర్వాత ఆ సంస్థ వెనక్కి తిరిగే పరిస్థితులే కనిపించట్లేదు. అన్నింటా దూసుకెళ్తూనే ఉంది.
ఇప్పుడు అదే కాగ్నిజెంట్ మరో సంచలన నిర్ణయం తీసుకుంది. తన కార్యనిర్వాహక బృందంలో ఒకేసారి ఆరుగురు మహిళల్ని చేర్చింది. కార్పొరేట్ కంపెనీల్లో కీలక పదవుల్లో మహిళలకు అసలు చోటే దొరకట్లేదని ఆందోళనలు నెలకొన్న వేళ ఇలా ఆరుగురు మహిళల్ని ఆరు బృందాలకు ఎంపిక చేసింది కాగ్నిజెంట్. ఇప్పుడు సీనియర్ వైస్ ప్రెసిడెంట్ స్థానాల్లో మొత్తం ఆరుగురు మహిళల్ని నియమించినట్లు జులై 19న తెలిపింది కాగ్నిజెంట్.
వీరిలో కొందరికి ప్రమోషన్లు వచ్చాయి. ఇంకొందరిని ఇప్పుడు కొత్తగా నియమించుకుంది. దీంతో ఇతర కంపెనీలకు భిన్నంగా తనను తాను చాటుకుంది. 2023 జనవరిలో.. కాగ్నిజెంట్ సీఈఓగా రవి కుమార్ ఎస్ నియమితులయ్యారు. అప్పటి నుంచి కాగ్నిజెంట్ కీలక నిర్ణయాల్లో ఆయన పాత్ర కీలకంగా ఉందని తెలుస్తోంది. దీంతో రవి కుమార్ నాయకత్వంపైనా ప్రశంసలు కురుస్తున్నాయి. రవి కుమార్ గతంలో ఇన్ఫోసిస్ సంస్థలో వేర్వేరు హోదాల్లో పనిచేశారు. ఈ ఏడాది కాగ్నిజెంట్ సీఈఓగా చేరారు. ఇక్కడా తనదైన మార్కు చూపిస్తున్నారు. మహిళలకు తగినంత ప్రోత్సాహం కల్పిస్తున్నారు.
హైదరాబాద్‌లోని కంపెనీ సెంటర్ హెడ్ శైలజా జోస్యులకు సీనియర్ వైస్ ప్రెసిడెంట్‌గా ప్రమోషన్ లభించింది. 2018లో ఆమె ఈ సంస్థలో చేరారు. చెన్నై తర్వాత 56 వేల మంది అసోసియేట్లతో కాగ్నిజెంట్‌కు హైదరాబాద్ రెండో అతిపెద్ద డెలివరీ సెంటర్.
2021లో కాగ్నిజెంట్‌లో చేరిన ఎలిసా డి రోకా.. SVP, EMEA గా పదోన్నతి పొందారు.
2020లో ఈ సంస్థలో చేరిన థియా హేడెన్ ఇప్పుడు సీనియర్ వైస్ ప్రెసిడెంట్.
ప్యాట్రిసియా హంటర్ కూడా హెల్త్‌కేర్ ప్రొవైడర్‌లో సీనియర్ వైస్ ప్రెసిడెంట్‌గా పదోన్నతి అందుకున్నారు.
2020లోనే కాగ్నిజెంట్‌కు రిజైన్ చేసిన అర్చన రమణకుమార్.. మళ్లీ ఈ జులై 5న ఇండస్ట్రీ సొల్యూషన్స్ గ్రూప్‌ సీనియర్ వైస్ ప్రెసిడెంట్‌గా తిరిగి కాగ్నిజెంట్‌లో చేరారు.
చివరగా సాండ్రా నటార్డోనాటో జులై 17న కాగ్నిజెంట్‌లో పార్ట్‌నర్‌షిప్ అండ్ అలయన్స్ SVP గా చేరారు.
Posts
How to do this
ReplyDeleteCould you please tell me