స్టాక్ మార్కెట్ కింగ్ : రూ.100 కోట్ల విలువైన షేర్లు ఉన్నాయి.. అయినా సింపుల్ లైఫ్

స్టాక్ మార్కెట్ కింగ్ : రూ.100 కోట్ల విలువైన షేర్లు ఉన్నాయి.. అయినా సింపుల్ లైఫ్.

ఓ మారుమూల గ్రామంలో సాధారణ జీవితాన్ని గడుపుతున్న ఓ వృద్ధ పెద్దమనిషి చూడడానికి ఓ సింపుల్ మ్యాన్న్ లా అనిపించినా.. అతని గురించి తెలిసిన వాళ్లు మాత్రం వావ్ అనకుండా ఆశ్చర్యపోకుండా ఉండలేకపోతున్నారు. అతను రూ. 100 కోట్ల విలువైన షేర్లను కలిగి ఉన్నాడు. అవును, మీరు సరిగ్గానే చదివారు. ఈ వార్త ఇప్పుడు సోషల్ మీడియా పోర్టల్స్ లో వైరల్ అవుతోంది. ఓ వీడియోలో ఆయన ప్రాంతీయ దుస్తులు ధరించి, కెమెరా వెనుక ఉన్న వారితో తన మాతృభాషలో సంభాషణలో నిమగ్నమై ఉన్నాడు. ఈ  సమయంలోనే అతను తాను కలిగి ఉన్న షేర్ల పేర్లను, సంబంధిత పెట్టుబడి మొత్తాలను వెల్లడించాడు.

'X' యూజర్ రాజీవ్ మెహతా అనే పేజీలో పోస్ట్ అయిన ఈ వీడియోకు“అతను రూ. 80 కోట్ల ఎల్ అండ్ టి…రూ.21 కోట్ల విలువైన అల్ట్రాటెక్ సిమెంట్, రూ.1కోటి విలువైన కర్ణాటక బ్యాంక్ షేర్లను కలిగి ఉన్నాడు. అయినప్పటికీ ఆయన సాధారణ జీవితాన్ని గడుపుతున్నారు. అని క్యాప్షన్ లో జోడించారు. దీనికి అదనంగా, ఆ వ్యక్తి తాను సుమారుగా ప్రతి సంవత్సరం రూ. 6 లక్షల డివిడెండ్‌లు కలిగి ఉన్నాడనేది ఇంటర్నెట్‌ యూజర్స్ ను మరింత ఆశ్చర్యపరిచింది, ఎందుకంటే వారు అతని పెట్టుబడుల నుంచి అతను పొందవలసిన డివిడెండ్‌లను లెక్కించడం ప్రారంభించారు.

ఈ సాధారణ మనిషి గురించి అసాధారణమైన విషయాలు తెలుసుకున్న నెటిజన్లు ఆశ్చర్యపోతూ.. తమ అభిప్రాయాలను పంచుకుంటున్నారు. పోర్ట్‌ఫోలియోలో మంచి స్టాక్‌లు ఉన్నాయని చూడటం ఆనందంగా ఉందంటూ కామెంట్లు పెడుతున్నారు.